سؤال محدد

[GUARD EAGLE]

هل زواج الرجل بامراه اكبرمنه سنا هو صحيح؟؟؟؟؟؟؟؟؟؟؟؟؟؟؟؟؟؟؟ الي يعرف جواب صريح خلي يجاوب واني بالانتظار:Bg-083::Bg-083::018:

[بغـ وردة ـداد]

اذا يحبهة ومتفاهمين بيناتهم

والفرق مو هواية

ماكو مشكلة

تحياتي

[اين قلبـي]

موضوع حلو
هو اذا كان بيناتهم حب فـ مومهم العمر
بس مو اكبر منه بهوايه يعني بسنه وحده او ثنين
ويكونون متفقين

تقبل مروري ..
تحياتي ... أيــونــه

[sara]

اذا يحبون بعض ما يوكف شي بحبهم
بس همين الفؤف مو هواي
اكثر شي اربع سنوات اكثر شي برايي
وهو شي مو غلط دامة مو حرام

[تجري الرياح ....]

عاشت الايادي سؤال صريح ورح احجيلك عن تجربة صارت كدامي ...

طبعا اذا فرق مو هواي كلش طبيعية بس من تبدي تجاوز السنتين رح تصير مشكلة ولتصور المجتمع هوة الي رح يأثر على علاقتهم لا همة بينهم رح يبدي التناقض رغم حبهم رح يبدي يدمر الحب لان معروف ورة الزواج التفاهم رح يكون اهم من الحب والمراة تكبر قبل الولد ولهذا رح تبدي اول المشاكل من هاي النقطة وبعدين تطور وتصير ملاحم ***

تحياتووو :l2_roll_star:

[عيناك بصري]

http://www.arb-up.com/files/arb-up-2008-6/NEn86587.gif (http://www.arb-up.com/)


اخي

حسب الشخص اني مثلا حتى اذا حبيت شخص اصغر مني

مستحيل اقبل اكون زوجه اله

لان بتقدم العمر

الزوج حتى لو كان يحب زوجته

راح يضوج منها

لان ديشوفه اتعجز

وطبيعة المراءه تكبر قبل الرجل

وتبدي اكبر المشاكل

تحياتي اخي

موضوع كلش عجبني

[GUARD EAGLE]

مشكورين على الرد جميعا واتمنى انه كل الي ردوا حجوا قناعاتهم الشخصيه:018::018::Bg-082:

[دلوعه السامرائيه]

برئي اذا فرق مو هوايه ماكو مشكله وخصوصا

اذا اكو حب بينهم ماتصور الحب يعرف زمان ومكان وعمر

لان الحب تلاقي اروح وانجذاب قبل اي معرفه للواقع

وعن تجربه واقعيه وهوة اقرب شخص الي

اخويه زوجته اكبر منه بسنين بس ازوجو عن حب

وماشاء الله سعيدين وعدهم اطفال وكانت رغبته واختيارة

وللعلم الاخ الوحيد عندي والوالده مرفضت لان اكبر منه

بلعكس باركت زواجه لان كانت اختياره

مشكور للموضوع

تحياتي

[مسك]

[ إِنَّ الحَياةَ قَصِيدةٌ، أَعْمارُنا
أَبْياتُها والمَوْتُ فيها القافِيَةْ ]


إيليا أبو ماضي
ليس هناك عيب في أن تكون المراة أكبر من الرجل ، إنما هي قناعة شخصية اختيارية ..

والمرأة تجد في الرجل الذي يكبرها القوة والحماية والأمان والجدار الذي يسندها فتستند عليه !!!
لدي اقارب الفرق بينهم كزوج وزوجة 10 سنوات ، ولكن الامور تسير على مايرام ،
الفارق العمري : ليس المقياس الذي ينبغي لنا أن نقيس عليه كل شيء ، فلكل قاعدة شواذ ...
فالحياة الزوجية معرضة للنجاح والفشل سواء أكان فارق السن صغير أو كبير ، إن ما يجب أن نقيس عليه أشياء أخرى تقف إلى جانب فارق السن
(طريقة التفكير ، درجة النضج ، التربية السليمة ، الاستقرار الاسري) كل هذه امور لها علاقة من قريب او من بعيد ...



ولكل لكل شخص وجهة نظره ، ربما ترى أنه لابأس أن تكون المراة أكبر من الرجل ، وربما انا أرى ذلك أيضاً ، ولكني في قرارة نفسي لا أفضل ...
على الأقل حتى إذا كبرنا نشيب معاً ولا اشيب قبله فأقول :
ألا ليت الشباب يعود يوماً * فأخبره باني تهورت عندما تزوجت برجل أصغر مني ... ههههه

مع تحياتي مسك

[حمودي مو ابنه]

حبيب كلبي اذا هما متفاهمين ويه بعض ورايدين بعض وفارق العمر مو جبير ويحبون بعض خلي يتوكلون على الله الحياة بيها فرص حلوة وهاي جتيك يم ايك روح ازوج لاتندم

[فاضل]

اخي العزيز الله لايجعل الامر فيه اعتراض لكن فارق العمر جدا مهم حيث ان المراءه في طبيعتها تكبر اكثر من الرجل يعني على الرجل ان يتزوج بفارق اكثر بخمس سنوات على الاقل لان الزواج اليوم هو غد المستقبل اذا كان عمرك 30 سنه وهي 33 سنه على سبيل المثال بعد عشرة سنوات كيف يكون الامر فالمراءه اذا تجاوزت هذا العمر مع شاب راح تكون مشكله وبعدها راح يفكر بالزواج مره اخرى وينسى الحب الذي كان وتبداء المشاكل لاسامح الله ونرجو ممن يقوم بالجواب ان لايحسب الامر على حساب العواطف فقط

[@سراوي@]

واللله اذا الحب والتفاهم موجود مااعتقد اكوو مشكله بس هي اكوو مشكله مو بسهوله اي واحد يكدر يجاوزهه
وهي انه البنيه عقلهه يكبر قبل الشاب وهذه حقيقه علميه مو اني اكولهه
يعني الي يزوج وحده اكبر منه بالعمر يعني معناها هي اكبررر منه بالعقل بشكل اكبرر والرجل بطبيعه تكوينه دائما يحب يكون متفوق على المراه بكلشي وبهايه الحاله راح تبدي مشاكلهم تكثر شويه شويه
تحياااااتي عيوني الك موضوعك حلوووووووو واتمنالك الموفقيه والابداع