لمن نقف لها بكل احترام وود وتقدير .. الدلوعة السامرائية ..

[МέмФо Д.ž.Đ]

السلام عليكم ورحمة الله وبركاته

بسم الله الرحمن الرحيم

شلونكم حبايبي شخباركم ان شاء الله بخير

الادارة شلونها ان شاء الله بخير
اول شي احب اعرف ليش بنت عمي ( دلوعة سامرائية ) سحب اشرافها ؟؟؟ شنو القصة

دلوعة معروفة بنشاطها الدائم والجبير والدور الفعال بالمنتدى والقدوة وهي دائما تكون بدل الادارة وتكون بالواجهة

وتحل اي مشاكل يعني ما شفتها فد يوم قلة عزيمتها او تعاجزت عن شي لان اكيد هي تحب المنتدى وتحب الموقع وكل الاعضاء والزوار تحبهم ويحبوها

يعني بعد كل هذا المجهود ما اعتقد تجي بدون سبب تسحب اشرافها !!! وتترك المنتدى الي هي محركته (( وكل الاخوان والاخوات طبعا )) بس اكيد امبين دورها القوي بتطور المنتدى واستمرار تفعالها والتواصل الحلو

ما فد يوم شفتها زعلت احد او حجت على احد او ضوجت احد بالعكس دائما هي الاخت المحبة للكل وصديقة وتوكف بوكت الشدات وتسأل عن احبابها وماتنسى احد

لهذا اكيد صار شي بالمنتدى خلالها متستحمل بعد اكيد احد ضوجها وخلاها تتخذ هذا القرار الي كلنا اذانا وضيع واهسنا وابعد عنا اخت عزيزة بكل معنى الكلمة وصديقة ما تتعوض غالية على الكل

يعني اني انزل موضوع اكول اكيد رح تجي بنت عمي دلوعة وترد اول وحدة على الموضوع دائما هي سباقة بالافراح والاعياد والتهاني وبالاحزان والالام هي الي تواسي

اريد اعرف شنو القصة وكل الاعضاء اكيد يردون يعرفون ليش هيج

اكو سبب واحد هسة كبالنا كلنا انو هنا بهذا المنتدى الرائع الادارة متقدر جهود اعضاءها ومشرفيها ومراقبيها

يعني هيج جهود رائعة تضيع بالخالي بلاش ميصير ترى والله لازم اكو واحد يكون مقدر هذه الجهود

بما ان بنت عمي دلوعة الي هي الكبيرة مال المنتدى بمشاركاته وبمواضيعا وبردودها هيج راح تعبها بالخالي بلاش ؟؟؟ لعد احنا الاعضاء العاديين الي قبل كم يوم شاركنا وقبل كم يوم صرنا مشرفين شراح يصير بينا ؟؟؟ اذا تعرضنا لمشكلة او شي ؟؟

على العموم احب اعرف بنت عمي دلوعة رح ترجع ويانا لو لا ؟؟

اذا ما رح ترجع يعني اكيد مثل ما كلت ماكو احد يقدرنا هنا .. والمكان الي محد يقدرني بيه ما اكدر اتواجد بيه

لهذا اذا الدلوعة السامرائية ترك المنتدى .. اني هم اقدم بطلب بسحب اشرافي

ولو يعز عليه اترك هذا المنتدى الرائع بأعضائه واهله الطيبين وناس وبكل مواضيعه

بس هذا الشي اكبر منا التقدير مهم والاكرامة اهم
واتمنى منك حبيبي الغالي صقوري ما تغلق الموضوع حتى نشوف اراء الاعضاء الباقين والمشرفين

واذا غلقته يعني انت ما تقبل النقاش ولا تحترم ارائنا ولا تحترم مشاعرنا اتجاه اختا الغالية دلوعة

تحياتي واحترامي وحبي وتقديري للجميع

عازف الاوتار

[عيناك بصري]

اشكرك اخي عازف

عبرت عن الي بداخلي

دلووعه انسانه اكثر من رقيقه وطيبه

اسلوب واخلاق كلش عاليه اي شخص يكدر يحس بيه من خلال

تعامله ويه الكل

محترمه وتحترم الصغير قبل الجبير

على اي اساس

اذا اتقدم طلب سحب اشراف يوافق عليه ليش

يعني هي مو شخص عادي هنا

وصاحبت فضل كلش جبير
على المنتدى وعلينه
اهتمامه مو بس بلمنتدى ومواضيع المنتدى
اي شخص عنده مشكله تلكاه واكفه بجانبه بكل شجاعه ورقي

الله يخليك صقر
رجع دلوووعه للمنتدى

تعرف منتدى عراق رومانس اذا انذكر

تنذكر دلوعه

لان اكو رابط قوي يربط دلوو بلمنتدى

ويجذب الكل حتى اتساهم بلمنتدى
ما شفت وحده انطت حافز للكل مثل دلووو

ولا وحده حسست الكل بانه قادر على ان يعطي اكثر ........... مما يتصور مثل دلوو

اخي صقر فكر مره ثانيه بلموضوع وخلي دلوو ترجع


تحياتي للجميع

[МέмФо Д.ž.Đ]

مشكورة عيوني عيناك بصري على المرور ورأيد الرائع

كل الكلام الي كلتيه بمكانه ومشكورة على مشاعرج الرقيقة والحلوووة

واكيد صقوري ما رح يخليها تتركنا وتترك المنتدى

نورتي عيوني

تحياتي

[!ჯ نـــســر الــعـراقჯOm∆Я]

اني مراح اضيف على الي ذكروه اخواني

بس احب اضيف شي خلال غياب اختنة دلوعة انضافت مواضيع من مواضيعي وصارت ردود عليهة هواي وهية مكدرت تنقله للارشيف بسبب الردود وهذا يعني هية اكثر وحدة بينة تنجز بالمنتدى وردودهة سباقة والترحيب وكل شي

مع التحية


.

[ṨẶҜЯ ḂẶĢĦḒẶḒ]

السلام عليكم و رحمة الله وبركاته


اخوية العزيز عازف الاوتار


اولا الكلام الي كتبتة عيب تكتبة و مالك حق تحجي على ادارة الموقع بل كامل اذا جات او منتدى

لان مفد يوم اجاني واحد و اني رديتة لو قصرت ويا بأي شغلة و اتحدى و الي يكول كلامي ماله صحة خلي يجي يواجهني و يكلي انته مقصر

ثانيا مو كل حجاية اني انسحب و فلان ينسحب حبيبي اني ممجلب بواحد و المنتدى ميوكف على شخص مو اقلليل قدر بس بوجود دلوعة او بغيابهه المنتدى ماشي و مكمل


ثالثا اني مكتلهه تسحب اشرافهه و لا جبت طاري لهل موضوع لازم كل واحد يزعل اروح اراضي و اتوسل بي حتى يقبل يرجع

احب انبهك انته و الي ميعرفني اني مو طبعي اتوسل بل ناس حتى يجون يمي الحمدلله و الشكر العالم كلهه تعرف اني منو و شنو


رابعا المنتدى مفتوح للكل بدون استثناء اني مسحبت اشرافهه هية الي طلبت و روح و اسئلهه اذا اني كايللهه راح اسحبة



و خامسا و اخيرا ما اعتقد قصرت بكلامي و الي يحب ينسحب قرارا على راسي و على عيني و اني احترمة و الي يريد يبقى بل منتدى هم على عيني و على راسي



و الحجي موجه للكل باب الاشراف مفتوح للكل و بما فيهم دلوعة اذا تحب تجي اني ملازمهه


بس هذا اخر مرة يقدم اي مشرف طلب سحب اشراف و ارجعة


و اذا تحب هية ترجع خلي ترد عل موضوع

و اني لا امانع و لا اعتقد كلامي بي غلط





اسف للاطالة


تحياتي للجميع

[وفائي سبب احزاني]

شكرا على الموضوع خيووو عازف
دلووعه مو مشرف عادي وبكل سهوله ينسحب الاشراف من يمها

وهي الي قامت بدور الادارة ومقصرت باي شي ويه اي عضو

والوحيدة هي الي ترد على المواضيع وتحفز العضو على المشاركه مع احترامي لاخواني ممقصرين

وان شاء الله ترجع وتنور المنتدى

اسف على الاطاله

[THE.KING]

كلام صقر صحيح

بس دلوعة خوش انسانة ومحترمة والاعضاء كلها تحبها وتحترمها

بس ما اعرف شنو السبب الي خلاها تسحب اشرافها

انشاء الله ميكون صاير شي

تحياتي

http://www.r71b.com/chat/icon/17.gif http://www.r71b.com/chat/icon/17.gif http://www.r71b.com/chat/icon/17.gif

[МέмФо Д.ž.Đ]

مشكور حبيبي الغالي صقر على الرد

بس اول شي اني مغلطت بحق احد لا ادارة ولا منتدى ولا جات

اني كلت متقدرونا صحيح انت ممقصر بس المفروض بيك انت متقبل تضحية بعضوة مثل دلوعة يعني شوفها هي الي محركة المنتدى كله

وبعدين اني ما طلبت منك تتوسل بيها ترجع حبيت اعرف شنو السبب يعني من حقنا نعرف

واني كلت يعز عليه انسحب من المنتدى بس اني اريد خاطر دلوعة وخاطر الكل يعني اذا شي يمسها اكيد رح يمسني هي اخت عزيزة عليه واني كلت ومتأكد هي ما تطلب سحب اشرافها من المنتدى لان هي متعلقة بيه ومتعلقة بأعضائه الا اذا اكو احد قسى عليها او ضوجها

واكيد ما رح يوكف المنتدى بعدم وجود دلوعة بس احب اكولك انو ما رح يجيك احد ويسل هنا بنفس نشاط دلوعة او بكد اهتمامه بالمنتدى

واحب اكولك مثل ما نبهتني انو الي يتوسل بخشص غزيز عليه مو عيب ولا يقلل من قدرك هذا الشي بالعكس رح تكبر بعين الكل حتى لو مو انت السبب

وطبعا اذا رحنا احنا رح يجون غيرنا بس انت تعرف كلش زين الي سوته دلوعة محد يسويه عبالك المنتدى مالتها
وانت هم عيوني رامي شوية على كيفك يعني احنا هنا جايين نتونس ونتواصل يعني محد شارينا بفلوسه
وترى الاشراف اني ميهمني حتى ا ذا ابقى عضو عادي ما رح تفرق عندي
بس المنتدى بدون ما حلو والبركة بالكل طبعا الكل اخوانا واحبابنا واصدقائنا واني هذا موقفي مو بس ويه دلوعة ويه اي مشرف او عضو لان اني احب الكل واريد خاطر الكل

ومشكور صديقي على الاجابة بس شوية عصبيتك ترى كل شي ينحل بالتفاهم
وتريد تسحب الاشراف مني اسحبه مثل ما كتلك ترى مو مهم عندي

واعتذر عن الاطالة

تحياتي الك صديقي

[МέмФо Д.ž.Đ]

مشكور اخوية كنج واخوية تفرج يا عراق على التواصل

وان شاء الله ترجعلنا دلوعة ونستغني عن هذا الحجي كله

تحياتي

[ṨẶҜЯ ḂẶĢĦḒẶḒ]

اخوية العزيز

اني من طبعي ما اكل حق احد و لا انكر حق احد

البنية تعبت بل منتدى و محد ينكر

بس لكل بشر و عندة قابلية للتحمل

اني من خليت مشرفين بل منتدى

حتى من مموجود همة بمكاني و الحمدلله بيضو وجهي و محد بيهم مقصر

من مشرفين للمراقبين اقسام للمشرفين العامين

اني ما اكدر كل ميصير سوء تفاهم او مشكلة صغيرة بل جات

تنربط بل منتدى

الجات عالم و المنتدى عالم ثاني الي عندة شي بل جات

يدخل للمنتدى ينسى

و دلوعة كل ميصير شي تكول اسحب الاشراف

و البارحة بدون علمي نزل الموضوع و اني ما ادري

لحد مكتبة يلة شوفتني الموضوع و نزلتة

و اني وافقت عليهه و سبب غلق الموضوع

لان داعي لسحب الاشراف ماكو

و اني عد كلامي هاي اخر مرة

اذا تريد اشرافهه فهوة موجود يمجرد مترد عل موضوع

و تكول اريده

و ما انسى و لا انكر حق احد اني

و الي بي خير الله يقدمة


تحياتي

[МέмФо Д.ž.Đ]

تسلم حبيبي الغالي صقوري حجيك مضبوط المنتدى وحد والجات وحد

واحنا ان شاء الله نقنعها ترجعلنا بس انت لا تصير عصبي شوية ريلاكس وياها يعني هم كلمة حلوة منك اكيد رح ترجع بسرعة لان هي كلبها طيب

وان شاء الله ماكو اي مشكلة

وهذا سوء تفاهم وينحل ان شاء الله

تحياتي الك صديقي

[تجري الرياح ....]

السلام عليكم ورحمة الله وبركاته***

طبعا دلو اخت عزيزة علية وغالية حيل ومرح اكول اكثر من الي كالو الشباب فراقهة عزيز علينة لان الهة دور جبير بالمنتدى وهية الي شجعتني من البداية اشارك بي ...صحيح مرح يوكف المنتدى على اي عضو مابيهة مجال بس رح يقل النشاط لان هية مو اي عضو وانشالله تكون المسألة نحلت واحنة منتضرين رجعتهة بفارغ الصبر .....

الادارة متأكدة مرح يقصرون بهذا الموضوع .....

تحياتوووو :l2_roll_star:

[МέмФо Д.ž.Đ]

مشكورة عيوني توته للمرور

نورتي عيوني ومشكورة للتواصل الحلو

وان شاء الله ترجعلنا دلوعة

بس هي لو شوية تلين

تحياتي

[حمودي مو ابنه]

شكرا على طرح الموظوع والاخ دلوعة غاليه علينه والاخ رامي وكل المشرفين والاعضاء وهاي سوء فهم فترى ونجاوزها نشاء الله كلنه سوية ونشاء الله ماكو واحد راح ينظلم ونشاء الله ترجع دلوعة والكل فرحان وسعيد بشوفتها ولحد يزعل هاي شغلات خاصة تصير وتنحل انشاء الله مع احترامي للكل

[МέмФо Д.ž.Đ]

مشكور حبي حمودي على المرور

وحجيك على راسي

تسلم صديقي

تحياتي

[دموع القمر]

وربي انصدمت هسه عرفت بهذا الخبر داكول ليش ماكو دلوعتي انشاء االله ماكو شي لانه هيا اختنا العزيزة واكثر ماخيرها عليكم
ونشيطة بالمنتدى وتعرف تحترم وتساعد ومتقصر بشي
واتمنى واتمنى من ربي ان ترجع دلوعه وترجع الفرحة وياها لانه تعلمنا عليها اهنا بالمنتدى وهيا متستاهل هذا الشي لانه هيا انسانه مخلصة بشغلها اهنا وطيبه حيل وربي ماخيرها عليكم
انشاء الله ترجع
واشكرك عازف على الكلام الحلو لدلوعتنا الغاليه وصدكني مراح ننساها وانشاء الله ترجع ويانا
مشكور وردة
تحياتي الكم ورود

[МέмФо Д.ž.Đ]

مشكورة عيوني دموع لمرورج الكريم

وشكرا على الحجي الحلووو

وان شاء الله ترجعلينا دلوووعة

تحياتي

[دلوعه السامرائيه]

السلام عليكم ورحمه الله وبركاتة


شونكم شخباركم طبعا والله بجيت من قريت ردودكم

وعرفت شكد تحبوني واعرف الكل تحبني مثل ما اني حبكم الله شاهد

وهيه صارت بلحظه تعب واكتشفت حاليا والله ماعيش الدنيا دونكم

لا ولا تسوة حياتي بلوجود من غيركم ومن غير شوفتكم وحبكم الي

واقدم طلبي للعوده وياكم وماريد الاداره يزعل لان يعرف الضروف الي جانت

والي سببت بهذا الطلب

تحياتي وحبي الكم

[ṨẶҜЯ ḂẶĢĦḒẶḒ]

كل الهلا بيج

اشارفج رجعلج

و تكدرين تباشرين

و هذا الحجي موجه للكل

الجات ماله علاقة بل منتدى

يعني الي تصير عندة شغلة او مشكلة بل جات

ليربطهه بل منتدى

لان هاي اول و اخر مرة ينسحب اشراف احد

و يرجعلة


تحياتي للجميع

[nana Ms.lonely]

هياااااااااااااااااااااااااااااااااااااااااااااااا اااااااااااااااااااااا يؤيؤيؤيؤيؤيؤيؤيؤ
رجعت دلووووووووووووووووووو لكم اني مااعرف هسة يلا عرفت اكول ليش حبي دلو ماكو يلا الحمد الله نحلت المشكلة ورجعت دلووووووووو
جبناها واجت ويانا
هههههههههههههههه
كلنا اهل وكلنا واحد يحب الاخ واكيد ماكو اي مشاكل يارب
والله لايحرمني منكم ياربي
تحياتي

[МέмФо Д.ž.Đ]

عاااااااااااااااااااااااااااااااا
عـــــــــاااااااااااااااااااااااااااا
عــــــاااااااااااااااااااااااا

كلللوووووووووووووووووووووووش

يا هلا والله بالغالية بنت عمي

نورتي من جديد :002: :002: :002:

يمعودة طولتي الغيبة

نورتينا عيوني

عااااااااااااااااااا ما مصدك

:)