((ريم البراري)) في كرسي الاعتراف [الأرشيف] - منتديات عراق الرومانسية

أسد كلية المأمون

08-18-2010, 03:12 AM

السلام عليكم ورحمة الله وبركاته

http://www.hdrmut.net/vb/imgcache/2/21998alsh3er.gif

صبــاحكم .. مســاءكم .. مـعـطر بأريج الــورد

أســ ع ــد الله أوقاتــكــم .. أحبــتــي أيـنـمــا كـنـتــم
رمضان كريم وتقبل الله صالح اعمالكم وصياما مقبولا ان شاء الله

عدنــا لــكــم ’’أسبوعـاً’’ آخر مع ضيــف مميز آخر

وشخصية أخرى أحببنـاها من ,, خلال المنتدى ,,

لكن لم ندخل الى جوفهــا ولم نعرف تفاصيل حياتهــا ..

http://dl.glitter-graphics.net/pub/33/33701ekdcn0ada7.gif http://dl.glitter-graphics.net/pub/33/33701ekdcn0ada7.gif http://dl.glitter-graphics.net/pub/33/33701ekdcn0ada7.gif

{شخصيــة} متميــزة ومميــزة جداً

{شخصيه} بديعة تتمتع .. بصفات جميله

هي في البداية ،،

يـاقــوتــة .. ماســة

زهرة [معطرة] من جنائن عراقنـا الغالي

هي ’’مشرفة’’ إستطاعت أن تفرض شخصيتهـا ,, وأسلوبهــا في مدة قصيرة جداً..

إجتهدت ,, ونجحت وحصدت ؛ ثمار إجتهادها وتميزهـا من خلال ’’مواضيعهـا’’ التي تطرحهـا ،،،،

http://dl.glitter-graphics.net/pub/33/33701ekdcn0ada7.gif http://dl.glitter-graphics.net/pub/33/33701ekdcn0ada7.gif http://dl.glitter-graphics.net/pub/33/33701ekdcn0ada7.gif

هي /نجـمـة/ بل .. قمراً .. ينير سماء ’’منتدانا’’ دائمـاً

[حساسة] .. خلوقة جداً تفرض على الجميع [إحترامهــا]

طيبة جداً .. هادئـة .. مــرحة ...

http://dl.glitter-graphics.net/pub/33/33701ekdcn0ada7.gif http://dl.glitter-graphics.net/pub/33/33701ekdcn0ada7.gif http://dl.glitter-graphics.net/pub/33/33701ekdcn0ada7.gif

[صفاتهـا] الرائـ ع ــة كثـيرة جـداً ""
فهي شخصية تجبـرنـا أن نكن لهـا كل الحـب والإحترام

http://dl.glitter-graphics.net/pub/33/33701ekdcn0ada7.gif http://dl.glitter-graphics.net/pub/33/33701ekdcn0ada7.gif http://dl.glitter-graphics.net/pub/33/33701ekdcn0ada7.gif

كلامـي يـطول جداً ,,عنهــا,,
لم ولن أستطع أن أوفيهـا حقهــا أبـداً

أحاول جهـد الأمكان أن "أرحب بيها" ...
ترحيباً يكاد أن يصل ولو قليلاً من حقهـا

{ضيفتنــا} لهــذا الأســبـوع هــي ...

http://i223.photobucket.com/albums/dd202/sa7ar11111/Geletr/75c8ef222b.gif ريم البراري http://i223.photobucket.com/albums/dd202/sa7ar11111/Geletr/75c8ef222b.gif

http://birooo2007.jeeran.com/i/ii/12--.gifhttp://birooo2007.jeeran.com/i/ii/12--.gifhttp://birooo2007.jeeran.com/i/ii/12--.gif

أهلاً وسهلاً بكِ << عدد ماخطت الأقلام على الصحف

عدد حبـات المـطـر .. وأوراق .. الشـجـر

أهلاً وسهلاً بكِ >> أقولها ممزوجة بالورد والمسك والعنبر

http://jewelsuae.com/gallery/data/media/14/v_21_4.gif http://jewelsuae.com/gallery/data/media/14/v_21_4.gif http://jewelsuae.com/gallery/data/media/14/v_21_4.gif

وقبـل أن نتركـكِ مـع اسئلـة "الاعضاء"
تفضلي بالجلوس على الكرسي ولنسلط الضوئ عليكي وعلى حياتكي
http://www.alkhobarcafe.net/alkhobar/ar/chair0.jpg

ثم
"تفضلي بذكر [هويتكي] واجابه ع بعض الاسئله http://birooo2007.jeeran.com/i/002.gif"
ما هو اسمكي الحقيقي؟
من اكثر شخص تحبيه بحياتك؟
هل انتي مرتبطة ام لا؟
ما هي حالتكي الزوجية؟
من اكثر عضو تحبيه بالمنتدى؟ماكو كلهم
من اكثر عضوة اتحبيه بالمنتدى؟ماكو كلهن
شكد عمرج الحقيقي؟
وين بيتكم بيا منطقة؟
من يا عشيرة انتي؟
شنو لقبج العشائري؟
شصيحولج بالبيت؟
شنو دلعج بالبيت؟
انتي دلوعة لو متوحشة لو شنو طبيعتج؟
وين واصلة بالدراسة؟اذا كلية انطينا اسم الجامعة والكلية والقسم؟
شنو اسحرتي البارحة؟
شنو فطرتي البارحة؟
كم مرة حبيتي قبل؟
تعرفين تطبيخين وتشتغلين لو بس كاعده على النت؟
منو دلاج على عراق الرومانسية؟
شون صرتي مشرفة؟
منو مفتقدة بالمنتدى؟
هواية اعضاء طفرو من المنتدى شعجب بقيتي انتي؟يعني عفية عليج بس انريد نعرف السبب
شنو هوايتج؟
تحبين تسمعين اغاني لو لا؟
تحبين المقام العراقي لو لا؟
منو مطربج ومطربتج المفضلة؟
تباوعين باب الحارة لو لا؟
وين ساكنه بيا محافضة واصلج من يا محافضة؟
تروحين لصلاة التراويح لو لا؟وشكد تصلين 8 لو 20
كم مرة حبيتي قبل؟
شبيج راح تكتليني ترى اسالتي خفيفة
ههههه
يلا ننتظر ابداعاتج؟

تحياتي واحترامي لكي

صمتي كلام

08-18-2010, 04:12 AM

اهلا وسهلا ريم..

نورتي كرسي الاعتراف حقيقا..

واحب اكون انا اول شخص يسئلك ويرد ع موضوعك في كرسي الاعتراف..

يالله شدي حيلك..

الاسئله هي...

1_ماهوة طموحك...؟

2_ماهوة بلدك المفضل بعد بلدك ..؟

3_هل حققتي ماتريدين..؟؟ اذا كان نعم لماذا؟ واذا لا ايضا لماذا؟

4_ماهوة رئيك بالحب؟؟ وهل عشتي قصة حب حقيقية..؟؟

5_ماهوة شعورك باللذي يحصل بالذي يحصل بالعراق حاليا؟

6_ ماذا يعني لكي منتدى عراق الرومانسية؟؟

ان شاء الله ماطولت عليك..

شكرا اسد الغالي

ريم البراري

08-18-2010, 04:19 AM

بالبدايه احب اشكرك حموزز على هذا الكلام الرائع
وبصراحه هواي خجلتني ترى اني خجوله هااااا هههههههههه
هاي شنو حمزة مو مبقي شي يعتب عليك
بس راح اجاوبك ض57

يله نبدي .............

بسم الله الرحمن الرحيم

ما هو اسمكي الحقيقي؟
ريم
من اكثر شخص تحبيه بحياتك؟
والدي طبعا ربي يخلي أليه
هل انتي مرتبطة ام لا؟

لا مو مرتبطه .
ما هي حالتكي الزوجية؟
عانس ههههههههههههههه
من اكثر عضو تحبيه بالمنتدى؟ماكو كلهم
بصراحه كلكم احبكم حمزه لاتحدد ض44
(الوتر الحزين) حسن الله يحفظه النه كلش ارتاح من احجي معا
من اكثر عضوة اتحبيه بالمنتدى؟ماكو كلهن
والله كلهم احبهم حمزة ض44
بس ((اميرة الشام ))سلاف احبه هوايه
شكد عمرج الحقيقي؟
سنة19 صار خمس اشهر من دخلت بعمر الـ19
وين بيتكم بيا منطقة؟

بهذاك الصوب ههههههههه
بالمنصور

من يا عشيرة انتي؟

اني اصلي راوية من اهل الانبار

شنو لقبج العشائري؟
الراويه
شصيحولج بالبيت؟

أم دميعه ههههههههههههههه

شنو دلعج بالبيت؟
ماحب احد يدلعني احس نفسي صغيره ههههههههههههههههه

انتي دلوعة لو متوحشة لو شنو طبيعتج؟
متوحشه ض18
لا عاديه طبيعيه يعني لادلوعه ولامتوحشة

وين واصلة بالدراسة؟اذا كلية انطينا اسم الجامعة والكلية والقسم؟
والله كملت سادس علمي وكعدت بالبيت
طبعا هذي رغبة اهلي مااكمل كليه وكعدت

شنو اسحرتي البارحة؟
والله شربت لبن وبس ههههههههههههههه

شنو فطرتي البارحة؟
دولمه وبرياني ومن هل السوالف حلويات ومااعرف شنو
يعني خير من الله مايخلص رمضان الا واني مااكدر اطب من الباب

كم مرة حبيتي قبل؟
بصراحه حبيت مرة بس اذا كان حب تحسه من طرف واحد مااتصور راح
يدوم مو صح او مااتصور حب

تعرفين تطبيخين وتشتغلين لو بس كاعده على النت؟
والله احسن طباخه اني عناد بجوزيف ألــ احسن مني يطبخ ألــــ

منو دلاج على عراق الرومانسية؟

من الشات سجلت بالمنتدى
وبوكه كان هنا شخص الله يذكره بالخير اسمه ابو غدير
هو كالي بوكته تعالي سجلي بالمنتدى وسجلت

شون صرتي مشرفة؟
بصراحه حسن وياسر همه خلوني مشرفه
منو مفتقدة بالمنتدى؟
مفتقده هواي اشخاص منهم ((اميره الشام ,وياسر,ومدمن دخان,وهشام البندر,ودلوعه السامرائيه ,وسندوو,وتجري الرياح))نكول عساهم بخير ياربي

هواية اعضاء طفرو من المنتدى شعجب بقيتي انتي؟يعني عفية عليج بس انريد نعرف السبب
بصراحه حسن ميستاهل احد يتركه او يجازي هذي المجازات لان حسن شخص يستحق التقدير واني بصراحه كلش احترمه واعزه وهو شخص دائما على حق ان شاءلله ومااتصور هيج شخص تكدر تتركه مو صح
شنو هوايتج؟
والله حاليا الطبخ هههههههههههههه
تحبين تسمعين اغاني لو لا؟
لا والله بس مرات الشيطان قوي واسمع ض41
تحبين المقام العراقي لو لا؟
لا
منو مطربج ومطربتج المفضلة؟
ماعندي والله احد مفضل
تباوعين باب الحارة لو لا؟
بلي بس مو دائما.
وين ساكنه بيا محافضة واصلج من يا محافضة؟
بغداد_واصلي من الانبار
تروحين لصلاة التراويح لو لا؟وشكد تصلين 8 لو 20
لا مااروح الصراحه بس بالبيت اصلي والله الصدك غير بس 8 ههههههههههه

شبيج راح تكتليني ترى اسالتي خفيفة
هههههههههههههههههههههههههه لا مااكتلك بس خاف نسيت شي من هنا لو من هناا
باوع زين حمزه هههههههههههههههههههههه

اشكرك على هذي الاسئله الرائعه
تحياتي لك

غرور الكوردية

08-18-2010, 04:42 AM

صباح الخير ريومه
انشاء الله تكون اسالتي مو محرجه

-شنو اسمج الحقيقي وبصراحه
-شكد عمرج
-شنو سبب دخولج المنتدى وشلون دخلتي

ـ حكمة تمشي بها فحياتكـ؟؟
ـ أفضل مرحلة مريتي فيها؟؟
ـ حلم طفولتكـ؟؟
ـ شي او انسان تتمنين وجود فحياتك؟؟
ـ شي او انسان تتمنين تمحيه من حياتكـ؟؟
ـ أكثر كلمة ممكن تفرحكـ ـ تحزنكـ ؟؟
ـ بماذا أو كيف تنفس عن غضبكـ ـ حبكـ؟؟
ـ آخر كلمة سمعتها اليوم؟؟
ـ احساس تفتقدين وجوده في حياتكـ؟؟
ـ ماهو أجمل احساس في الكون بالنسبة لكـ؟؟
ـ مين الشخص اللي ممكن تعطيه ظهركـ وتسلمين له كل أموركـ >>تثقين فيه كثير؟؟
ـ ماذا تنتظرين من الآخرين في حياتكـ؟؟
ـ ماذا ييعني لكـ الآتي في أكثر من 3 كلمات:
*الأمان :؟
*الحنان:؟
*الثقة في النفس:؟
*المال:؟
*السيارةhttp://www.5reeef.com/vb/images/smilies/funny2.gif:؟
*الصداقة:؟

الرجل
ـ ما هو تفكيرج في الزواج ؟؟
ـ ما مواصفات فتى أحلامكـ >>بصراحة وأكثر من 7 كلماتhttp://www.5reeef.com/vb/images/smilies/10111.gif؟؟
ـ أكثر انسانـ/ة ترتاحيله؟؟
ـ كيف تتخيلين نفسك بعد 10 سنوات ؟؟
ـ شنو تحسين بعد الأسئلة الطويلة هذيhttp://www.5reeef.com/vb/images/smilies/1.gif؟؟

اتمنى تكون اسألتي خفيفه
تحيااااااااااااااااتي

ريم البراري

08-18-2010, 04:42 AM

اهلا وسهلا ريم..
اهلاً بيك خيي

نورتي كرسي الاعتراف حقيقا..
منور بوجودك .

واحب اكون انا اول شخص يسئلك ويرد ع موضوعك في كرسي الاعتراف..
واني هم يسعدني ارد عليك

يالله شدي حيلك..
يله .

الاسئله هي...

1_ماهوة طموحك...؟
والله ماكو فد شي معين بس ان شاءالله خير نكول

2_ماهوة بلدك المفضل بعد بلدك ..؟
والله مااتصور اكو بلد احسن من بلدي بس اذا كان فـ سورياا

3_هل حققتي ماتريدين..؟؟ اذا كان نعم لماذا؟ واذا لا ايضا لماذا؟
بصراحه لا اني اسباب هوايه

4_ماهوة رئيك بالحب؟؟ وهل عشتي قصة حب حقيقية..؟؟

لاوجود للحب اني بصراحه على قناعه تامه ماكوو حب

5_ماهوة شعورك باللذي يحصل بالذي يحصل بالعراق حاليا؟
والله شنو اكلك شي يحزن والله بس نكول الحمدلله وبفضله اكوو اخوة لنا ان شاءالله يوماً ما سيخرجون المحتل من العراق

6_ ماذا يعني لكي منتدى عراق الرومانسية؟؟
البيت الثاني

ان شاء الله ماطولت عليك..
لابالعكس اسئلتك حلوة وخفيفه مو مثل اسد هههههههه

أسد كلية المأمون

08-18-2010, 04:46 AM

اي والله نسيت شي
شكد طول؟
شكد وزنج؟
محجبة لو لا؟
منقبة لو لا؟
تلبسين بنطرون لو لا؟
تلبسين قصير لو لا؟
تلبسين عباية لو فري؟
تلبسين جبة من تطلعين لو لا؟
من تطلعين الى اماكن عامة تخلين مكياج لو لا؟
سولفينه على هذا الشخص الي حبيته ومن طرف واحد؟
واذا نسيت شي ارجعلج
انتي الله ورطج وجابج على كرسي الاعتراف
ومنو وي حمزة
هلا هلا هلا

ريم البراري

08-18-2010, 04:59 AM

صباح الخير ريومه
صباحووو وردة
انشاء الله تكون اسالتي مو محرجه
لا اسئلي حبيبتي براحتك

-شنو اسمج الحقيقي وبصراحه
ريم
-شكد عمرج
19
-شنو سبب دخولج المنتدى وشلون دخلتي
احد الاشخاص دعاني اسجل وسجلت

ـ حكمة تمشي بها فحياتكـ؟؟
اتقِ شر من احسنت أليه
ـ أفضل مرحلة مريتي فيها؟؟
الطفولة طبعاً
ـ حلم طفولتكـ؟؟
بصراحه متحقق
ـ شي او انسان تتمنين وجود فحياتك؟؟
اتمنى احد يفهمني بس .
ـ شي او انسان تتمنين تمحيه من حياتكـ؟؟
امحي الحزن
ـ أكثر كلمة ممكن تفرحكـ ـ تحزنكـ ؟؟
كلمه تفرحني النجاح وتحزني الخسارة
ـ بماذا أو كيف تنفس عن غضبكـ ـ حبكـ؟؟
بصراحه اني طبعي كتومه مااحجي شنو بداخلي
ـ آخر كلمة سمعتها اليوم؟؟
من امي تكولي لاتنسين اشربي مي ههههه
ـ احساس تفتقدين وجوده في حياتكـ؟؟
الامان
ـ ماهو أجمل احساس في الكون بالنسبة لكـ؟؟
الاخوة
ـ مين الشخص اللي ممكن تعطيه ظهركـ وتسلمين له كل أموركـ >>تثقين فيه كثير؟؟
اخويه الله يرحمه كبل وحالياً الوتر الحزين
ـ ماذا تنتظرين من الآخرين في حياتكـ؟؟
لاانتظر منهم الا الخير
ـ ماذا ييعني لكـ الآتي في أكثر من 3 كلمات:
*الأمان :؟اكثر شي احس محتاجته
*الحنان:؟نفس الشي هم احتاجه هواي
*الثقة في النفس:؟شي حلو ان نتصف بهذي الصفه
*المال:؟مو مهم
*السيارةhttp://www.5reeef.com/vb/images/smilies/funny2.gif:؟هم مو مهمه ههههههههههه
*الصداقة:؟احلى شي في الحياه اذا تحسين صادقه

الرجل :الاخ والاب والزوج والحبيب
ـ ما هو تفكيرج في الزواج ؟؟
بعد وكت على الزواج كاعده على كلبكم فد سنتين ههههههه
ـ ما مواصفات فتى أحلامكـ >>بصراحة وأكثر من 7 كلماتhttp://www.5reeef.com/vb/images/smilies/10111.gif؟؟
تكون اخلاقه عاليه ومتدين ويعرف حقوق الله ويخاف الله ومو شرط المال او الجمال هذي شغلات ثانويه
ـ أكثر انسانـ/ة ترتاحيله؟؟
الوتر الحزين
ـ كيف تتخيلين نفسك بعد 10 سنوات ؟؟
والله مااعرف الصراحه ههههههههه
ـ شنو تحسين بعد الأسئلة الطويلة هذيhttp://www.5reeef.com/vb/images/smilies/1.gif؟؟
احس انكِ رائعه بمعنى الكلمه
تحياتي

ღ ღ ســيــلــيــنــاღ ღ

08-18-2010, 06:45 AM

مساء معطر بشذى الحروف والمعانى ...
مساء النرجس و الورود العاطرة ...
مساء الكلمات الصادقه التي تتلاعب على صفحات المنتدى ..
لتعطي جمالا و رونقا خاصا ...
مسائك عاطر باجود انوع العود و البخور ...
هأنا اضع اسئلة التحقيق الي عندي http://www.q8castle.com/vb/smiles/words/002.gif (http://www.q8castle.com/vb/smiles/words/002.gif)

من الشخص الي تتمنى ياخذ فرحك علشان ماتشوفة حزين؟

نصيحة من أي شخص تعتبريها منهج في حياتك إلى هذه اللحظة ، وكانت مِن مَن؟

ورقه وقلم ماذا تكتب ***ها ولمن توجهــها؟

في وسـط فوضى الحيـآه مالذي يرسم لكـ { البسمـه } ؟

الصداقة .. ماتفسيرك لها .. وهل وجدت من يستحق تاجها ..؟؟
عرف كلاً من وجهة نظرك :
الحياة :
المرأة :
الليل :
القمر :
البحر :
الحب :
الجرح :

ماذا تعني لك :
دمعه الطفل
دمعه المرأة
دمعه الرجل

هل قلبـك ابيض ؟ وليـش ؟

ماهو الصمت في رأيك؟؟ و هل تجده وسيله للتعبير؟؟http://www.q8castle.com/vb/smiles/words/0030.gif (http://www.q8castle.com/vb/smiles/words/0030.gif)

لو قالولك اختـار .. المشرف المميز والعضوالمميز والقسـم المميز ؟

/ المج ـأملـه .. هل تستخدمهأ في حيـأتك ؟

/ حلـمك في المسستقبـل ؟

/ لو صـرت مدير المنتـدىا مأهوا أول قرأر تتخـذه ؟

Ϡ₡مـﮯـكـآنـُﮯـىَ فـى قـلـﮯـبهُّϠ₡

08-18-2010, 08:16 AM

ريم حمزه دائما كل الاسئله اله ميبقي شي لاي احد
بس حبيت اسلم عليج

محتآجك كل 00.00.01

08-18-2010, 08:47 AM

وها قد اتيت
قد قرأت بالموضوع ريم البراري فجأت بمراسيلي؟؟؟
انتضري عودتي وبأسالة جديده وبلحن جديد وعلىا شاشة عراق الرومانسيه؟؟؟
تقديري..

ريهام

08-18-2010, 04:02 PM

هلو ريم حبي منوره اليوم
واتمنى تكون اسئلتي خفيفه عليج حياتي

1)شنو احلى شي تحبينه بطبعك ؟
2)شنو اكثر شي تكرينه بطبعك هذا اذا اكو شي؟
3)منو اعز صديقه على قلبك وترتاحين الها من خارج المنتدى ومن داخل المنتدى ؟ 4)منو مستودع اسرارك؟ وتحبين تحجيله كولشي
5)اكثر اكله تحبيها ؟
6)اي برج انتي وهل تؤمنين بالابراج؟
7)واخير شنو رايك بيه ؟ههههه
تحياااااااااتي الج ريومه

ريم البراري

08-18-2010, 05:30 PM

http://www.m.v90v.com/data/media/12/11_5.gifبعد اذا عندك اسد اسال دور من هنا لو من هنااا
راح اجاوبك بس تعال اكلك شي http://www.m.v90v.com/data/media/12/v90v.com_d20575e6ef1.gif بس اكمل الاسئله اكعدك انت على الكرسي الحجي بيناتنه
نبيدي ....
محجبة لو لا؟
الحمدلله محجبه
منقبة لو لا؟
لا
تلبسين بنطرون لو لا؟
لا طبعاا
تلبسين قصير لو لا؟
لا طبعا
تلبسين عباية لو فري؟
لاماالبس عبايه ولافري لان البس جبة
تلبسين جبة من تطلعين لو لا؟
طبعا البس جبه
من تطلعين الى اماكن عامة تخلين مكياج لو لا؟
بصراحه لا
سولفينه على هذا الشخص الي حبيته ومن طرف واحد؟
شنو اسولفلك هو من طرف واحد واذا ماشفت الطرف الثاني يحبك ويبادلك الشعور مااظن راح يبقى
واذا نسيت شي ارجعلج
ارجع وانتظر اسالتكhttp://www.m.v90v.com/data/media/12/11_3.gif

ريم البراري

08-18-2010, 05:53 PM

مسائك عاطر باجود انوع العود و البخور ...
مساء الورد ياعطر الورد
هأنا اضع اسئلة التحقيق الي عندي
اوكِ حبيبتي اسئلي واني حاضرة

من الشخص الي تتمنى ياخذ فرحك علشان ماتشوفة حزين؟
والدي الطيب الله يحفظه اليه

نصيحة من أي شخص تعتبريها منهج في حياتك إلى هذه اللحظة ، وكانت مِن مَن؟
من والدي طبعا اي شي يكوله اليه اعتبره منهج

ورقه وقلم ماذا تكتب عليها ولمن توجهــها؟
اكتب عليهاا اني لستُ مغروره ولست بما تتظنون انا انسانه عاديه لاتعرف لاالكذب واقول الصراحه
اكتبها لمن لم يفهم ريم البراري
في وسـط فوضى الحيـآه مالذي يرسم لكـ { البسمـه } ؟
اصبحت البسمه لاوجود لهاا في هذي الحياة وان وجدت فتكون مزيفه
الصداقة .. ماتفسيرك لها .. وهل وجدت من يستحق تاجها ..؟؟
الصداقه احلى شي ولكن ان تكون صّادقه بمعنى الكلمه ...والحمدلله وجدت من يستحقها
عرف كلاً من وجهة نظرك :
الحياة : متاع الغرور
المرأة :ارق مخلوقه خلقهاا الله ولكن لمن يفهمااا يجدهاا احلى شي ما في الوجود
الليل :ملاذي الوحيد
القمر :كوكب عادي
البحر :له معاني كثير ولكن لاتحضرني
الحب :مع الاسف لاوجود للحب في هذا الزمان
الجرح :اصعب شي بالحياه ان تُجرح من شخص اعطيته الثقه الكامله لهٌ ويعطنك بكلمات تحزنكَ

ماذا تعني لك :
دمعه الطفل دوموع الدلال اني اتصوره
دمعه المرأة:دموع المراءه حسب وحسب مرات دموع حزينه ومرات دموع لكي تخرج من موقف معين
دمعه الرجل:كــــــــــارثة اعتبره
هل قلبـك ابيض ؟ وليـش ؟
الحمدلله لان مااعرف احقد ومسامحه
ماهو الصمت في رأيك؟؟ و هل تجده وسيله للتعبير؟؟
الصمت شي خلوو بصراحه واني هواي احبه لا مااتصور وسيله للتعبير
لو قالولك اختـار .. المشرف المميز والعضوالمميز والقسـم المميز ؟
اختار المشرف المميز عمر نسر العراق او غير عنهم او شاب فيكه
والعضو المميز وانتي يمي
والقسم المميز قسم المراءه لرونق الزهور
/ المج ـأملـه .. هل تستخدمهأ في حيـأتك ؟
لا الصراحه مااعرف اجامل
/ حلـمك في المسستقبـل ؟
لم يتحقق
/ لو صـرت مدير المنتـدىا مأهوا أول قرأر تتخـذه ؟
اول شغله اسويه ارجع الموضوع المميز والمشرف المميز والعضو المميز وارجع شغلات الاوسمه
اشكرج حبيبتي على الاسئله
تحياتي لكِ

ريم البراري

08-18-2010, 05:54 PM

حبيبتي مكاني في قلبه تحياتي لكِ
وربي يسلمك من كل شر

ريم البراري

08-18-2010, 05:55 PM

خيي وانت يمي اشكرك على المرور وبانتظار اسالتك
تحياتي لك

ريم البراري

08-18-2010, 06:02 PM

هلو ريم حبي منوره اليوم
منورة بنورج ياعمري
واتمنى تكون اسئلتي خفيفه عليج حياتي
اكيد خفيفه ان شاءلله

1)شنو احلى شي تحبينه بطبعك ؟
صفه التسامح
2)شنو اكثر شي تكرينه بطبعك هذا اذا اكو شي؟
الطيبه
3)منو اعز صديقه على قلبك وترتاحين الها من خارج المنتدى ومن داخل المنتدى؟
من خارج المنتدى صديقتى اسمه منى خارج المنتدى وعالم النت كله
ومن داخل المنتدى سلاف

4)منو مستودع اسرارك؟ وتحبين تحجيله كولشي
والدتي طبعاا
5)اكثر اكله تحبيها ؟
الدولمه
6)اي برج انتي وهل تؤمنين بالابراج؟
بصراحه ماأمن بالابراج
7)واخير شنو رايك بيه ؟ههههه
احلى ريهام بالدنيه

تحياااااااااتي الج ريومه
تحياتي الج انتي وردة

</b></i>

أسد كلية المأمون

08-18-2010, 06:36 PM

اي ميخالف من ينتهي اشرافي وارجع عضو عادي كعديني على الكرسي بس مو هسة لان اني ضلبط الكرسي اقصد مشرف الكرسي العفو
بس ليش مغلسة على هذنه السؤالين
شكد طول؟
شكد وزنج؟

ريم البراري

08-18-2010, 06:44 PM

بلي والله غلست وراح اجاوبك http://www.album.v90v.com/data/media/37/smile_128.gif

طولي 163
وزني 60

اوك http://www.album.v90v.com/data/media/37/smile_174.gif

&& آميـر آلحــب &&

08-18-2010, 07:42 PM

في البداية السلام عليكم
منورة الكرسي خيتو

هاي جم سؤال لهي نفسج بيها كبل منبدي جديات وبالمناسبة ماكو لاترك ولا رأي الجمهور ولا اتصال بصديق ولا تغليسة زززززين خخخخخخخخخخ
س1/ فمارايج بكرسي الاعتراف ؟؟

س2/ هل مفاجأت جلوسج على كرسي الاعتراف لها وقع في نفسج ؟
وماهو شعورج وانتي على كرسي الاعتراف؟؟؟

س3/ كل انسان وله أمنيات وأمال .. يا ريت تخبرينا عن الحلم اللي يراودك أو بالأحرى الأمنية اللي تتمنياها ...

س4/ شنو أصعب المواقف اللي مريتي بها ؟

س5/ شنو موقفج من الحب ؟؟ وهل جربتيه ؟؟ هل تأمني بوجوده ؟؟

س6/ اي قرار تتخذيه هل ..... تحكم عقلج أم قلبج فيه ... ؟؟ ومن الأسبق فالتحكيم قلبج أم عقلج ؟؟؟؟؟؟؟؟

س7/ هل ندمتي في حياتج على شي معيّــن ؟؟؟

س8/ مالفـرق بين الحب والصداقة ؟ وهل يمكن ان يسلكا طرق الغيرة؟

س9/ ما رأيج بهذه الكلمات ..
الخيانة ..
الصداقة ..
النميمة ..
النفاق .

س10/_ بطاقتج الشخصية ؟؟؟؟؟..
س11/ اسمج :
س12/ عمرج:
س13/ فصيلة دمج:
س14/ ما هو تعرفيج
للمجنون؟؟:
العاقل؟؟:
المتكبر؟؟
المتواضع؟؟
س15/ هل انتي راضيه عن نفسج ..؟؟ وما هي المجالات التي تتمنين ان تأخذيها منهاجا في حياتج ؟؟

ختية هسة بس هالجم سؤال لكونج هسة صايمه هع

واني هم تعبان شوية لهذا راح ارحمج

اتمنا ان تكون اسئلتي خفيفة وقليلة
تحياتي

سيــــــــف العزاوي

رحلت وٍآنٍتِهُىٍآ گل شُيً

08-18-2010, 08:19 PM

السلام عليكم

منوره ريم كرسي الاعتراف

اني بس عندي كم سؤال اريد اسئلهن

ماذا ستكتبين لنا لتعبري عن حياتكِ التي عشتيها الى الان في كلمات قليله ؟

ماهو تقييمكِ لهذا المنتدى بصراحه ؟

(( اللي راح راح وماتفيد كلمة ياريت ))
إذا أردتي ان توجهي هذه العباره لنفسكِ, فماذا تقصدين بها ؟

ما هو اقتراحكِ الذي تتمنين ان يحدث في هذا المنتدى ولم يحدث الى الان ؟

حكمة تؤمنين بها جدا؟؟

اعتذار تريدين ان تقدميه لمن؟

ارجو ان اكون ماطولت عليج الاسئله

ودي واحترامي

صـٌُ‘؟ـٌُرٌُخـٌُ‘/ٌُـٌُة عـٌُ‘؟ـٌُذاٌُبٌُ

08-18-2010, 09:00 PM

بسـم اللـه الـرحمـن الـرحيمـ

منوره كرسي الاعتراف ريم..

ماذا تفعل (ريم البرارى) عندما ترى طفل يبحث عن ما يسد به رمق الجوع في قمامة الازبال
ولمن تقول ارحمواا هذا الطفل
احترامي

محتآجك كل 00.00.01

08-18-2010, 09:15 PM

ها قد اتيت

لا احب الاساله فاسالتي للورده لا اجيدها لكن امثال لي قولي لمن تقوليها

الصاحب اللي ما ينفعني في حياتي ما ينفعني بعد مماتي *
* كل شيء بالسيف إلا ألمحبه بالكيف
بماذا تقر وتعترف أمامنا الان ؟
اغمض عينيك دقيقه لو سمحت, ماذا خطر على بالك وانت مغمض العينين ؟

شكرا واسف علىا ازعاج
سؤال شخصي
عرفتكِ باخلاقكِ ومكانتكِ لو كنت اماً وكانت لديكِ طفل بريء
وها انتي تمشين رأيتي طفلاً اخراً يتيماً قد شردته الحروب
هل تتبنينه!
وهل تعاملينه مثل ما تعاملين طفلكِ
سأمراٍ لقراءة جوابكِ

رونق الزهور

08-18-2010, 09:28 PM

السلام عليكم ورحمة الله وبركاته

منورة حبيبتي الكرسي والله يعينك عليه وانتي صايمه

مشكورة حبيبتي لقسمي القسم المميز ربي يخليك

متابعه للاجوبه والاسئله الجميله من الاعضاء ومن حضرتك

ومخلونااا شي نسئله الله يعينك على حمزه ههههه

اتمنى لك الموفقيه حبيبتي وطيب الاقامه

تحيتي ودي

لك

علي الكرخي

08-18-2010, 10:18 PM

بسم الله الرحمن الرحيم ...

والصلاة والسلام على سيدنا محمد وعلى اله وصحبه وسلم ...

وبعد ...

انسه ريم ...

قد أطلعت على بضع الاسئله وعلى اجوبتها وكما أعرف ويعرف الجميع انه هنا مسموح بالاسئله جميعها فا أرجوا الرد الكامل ...

وبعيدا عن الاسئله المعتاده ...

(1)الذي عرفته من الاسئله انه انتي محجبه وتلبسين الجبه وملتزمه جدا فا من باب الدين فهل برأيك حلال ان تخالطي الرجال هنا بالمنتدى ولو حتى بالكلام ؟

(2) في أحد المرات وقبل فتره وجيزه ارسلت لكِ رساله خاصه وذلك لحذف موضوع في القسم الاسلامي لماذا لم تتخذي الاجراء اللازم علما الموضوع هو كان طائفي علما انتي المشرفه العامه واريد جوابا واضحا ؟

(3) ما هو رأيك ببنت وثقوا بها اهلها وسلموها كل الثقه والاحترام وهي في المقابل تسهر على النت وتدخل الشات وتخالط الشباب وتتكلم معهم علما ان الاسلام حرم هذا الشيء فما رأيك بها ؟

(4)لو قلت لكِ اتركي النت والزمي درب الصالحات فماذا ستقولين عني (مجنون أم جاهل أم طفل أم شاب مندفع أم أراد الخير لي)؟

(5)ان حسن هو من اعز الاصدقاء لي وهو اخ في الاسلام عزيز لكِ لكن اسأليه ماذا رأيك بالبنت التي تدخل الشات وتخالط الشباب وتسهر عليه وفي المنتدى ايضا وأريد رأيه هنا ببضع كلمات ؟

وفي الختام أعرف انني جعلتكِ تكرهيني ولكن اتمنى ان لايحذف ولا سؤال كون القسم هنا هو لجميع الاسئله ...

تحيتي لكِ...

علي الكرخي.

غرور الكوردية

08-18-2010, 10:18 PM

هلو ريومه رجعتلج بسؤال خرافي ههههههههههههه
هم اتطولين اظافرج وتستخدميهن للوسائل الاجراميه هههههههههههههههه
اقصد اخوج اختج تأذوج يضجوج ويبدي شغلج بالاظافر واذا مامجربتها جربيها نصيحه من سيلا
تحياااااااااااااااااااتي
http://nialina.jeeran.com/images/flo3.jpg

ALromancI

08-18-2010, 10:39 PM

http://www.m5zn.com/uploads/2010/8/18/photo/gif/0818101208364q20746mgnid8o6d9a.gif
السلام عليكم ورحمة الله
اهلا وسهلا بالعزيزة ريم البراري ظيفة كرسي الاعتراف
والذي لو كان اسمه كرسي التعارف لكان اجمل ( هذه وجهة نظر طبعا )
طبعا الاخ العزيز اسد كلية المأمون
ما خلة اي سؤال
ما شاء الله علي عبالك مشتغل عشرين سنة بالشعبة الخامسة ههههههه

لكن من خلال قرائتي للاسئلة والاجوبة تبادر لذهني جم سؤال وان شاء الله مو طويلة

1. منتدانا العزيز مكون من كلمتين ( عراق الرومانسية ) .
أ. فماذا يعني بالنسبة اليك العراق .
ب. وماذا تعني لك الرومانسية .
2. الوردة الحمراء في صورتك الرمزية بغاية الروعة ماذا تعني لك ؟ ولمن تهديها ؟

3. قياسا لطولك ووزنك انتي رشيقة بمقاييس الرشاقة العالمية هل تودين زيادة وزنك او التقليل ولماذا ؟

وشكراً .

ريم البراري

08-18-2010, 11:42 PM

وعليكم السلام اهلآ سيف

س1/ فمارايج بكرسي الاعتراف ؟؟
كموضوع هو مميز حقيفة

س2/ هل مفاجأت جلوسج على كرسي الاعتراف لها وقع في نفسج ؟
لاعادي
وماهو شعورج وانتي على كرسي الاعتراف؟؟؟
شعور اي وحده كاعده على كرسي ودا تنسأل كل شوي هههههههههههههههههه

س3/ كل انسان وله أمنيات وأمال .. يا ريت تخبرينا عن الحلم اللي يراودك أو بالأحرى الأمنية اللي تتمنياها ...
اصير معلمه بس سبحان الله مصارت

س4/ شنو أصعب المواقف اللي مريتي بها ؟
وفاة اخي الله يرحمه
س5/ شنو موقفج من الحب ؟؟ وهل جربتيه ؟؟ هل تأمني بوجوده ؟؟
لاوجود للحب ولاأمن بوجودهُ

س6/ اي قرار تتخذيه هل ..... تحكم عقلج أم قلبج فيه ... ؟؟ ومن الأسبق فالتحكيم قلبج أم عقلج ؟؟؟؟؟؟؟؟
عقلي طبعاا

س7/ هل ندمتي في حياتج على شي معيّــن ؟؟؟
لاوالحمدلله

س8/ مالفـرق بين الحب والصداقة ؟ وهل يمكن ان يسلكا طرق الغيرة؟
لافرق اذا كان بنية صادقة

س9/ ما رأيج بهذه الكلمات ..
الخيانة ..كارثة
الصداقة ..احلى شي بالوجود اذا كان بصدق
النميمة ..صفه مذمومه
النفاق .صفه مذمومه

س10/_ بطاقتج الشخصية ؟؟؟؟؟..
س11/ اسمج :ريم
س12/ عمرج:19
س13/ فصيلة دمج:b+
س14/ ما هو تعرفيج
للمجنون؟؟:اسعد شخص في الكون احسدهُ لان لايعرف ماذا يحصل بالدنياا
العاقل؟؟:العاقل من حكّم عقلهٌ هو عاقل
المتكبر؟؟مسكين
المتواضع؟؟هنياله
س15/ هل انتي راضيه عن نفسج ..؟؟ وما هي المجالات التي تتمنين ان تأخذيها منهاجا في حياتج ؟؟
الحمدلله راضيه جداً

ريم البراري

08-19-2010, 03:28 AM

ماذا تفعل (ريم البرارى) عندما ترى طفل يبحث عن ما يسد به رمق الجوع في قمامة الازبال
ولمن تقول ارحمواا هذا الطفل

مااعرف شنو اسوي الصراحه شي محزن جداً
واحمل الحكومه الكافرة على كل هذا واقول لهاا ياحكوماتناا ارحمينا

&& آميـر آلحــب &&

08-19-2010, 03:51 AM

عاشت ايدج على الاجوبة

أسد كلية المأمون

08-19-2010, 04:31 AM

مرحبا & Hi

شلونج ان شاء الله بخير؟

يله نبدي بالاسئله الجديدة وان شاء الله مااطولها عليج

1-شنو معنى الصداقه ومعنى الحب يم ريم؟

2-شنو الموهبه التي تتمع بها ريم؟

3-احلى موقف محرج مرت بي ريم؟

4-شوكت تحزن ريم وشوكت تفرح؟

5-احلى رقم تتفائلين بي؟

6-شنو الي يشغل ريم طول الوقت (بشنو تفكر)؟

7-هدية عندج تعتزين بيها شنو هي ؟ ومن منو؟؟

8- نوع الاكلة الي لو تاكليها اسبوع كامل متملين؟؟

9-اذا اجتيج سفره وحبيبج مقبل انو اتسافرين راح اتسمعين كلامه لو لا؟

وهاهيه اكيد ضجتي بالاسئله مطوله ومابيه ترك

وزمن الاجابه : 2 ساعتين

الله يساعدج ههههههههههههه

انشاء الله مضوجتج بالاسئله وها تره بعدلي عوده هم اكو اسئله

تحياتي الج

هيسوكا

08-19-2010, 05:33 AM

السلام عليكم
شلونج اختي؟
مو تعتبرون هذا من ضمن الاسئلة تره هذه سلام
1- ليش اختاريتي النك نايم مالتج ريم البراري ؟

2-تحبين تاكلين باجه ؟ههههههههه

3- اذا تعطل حاسبتج وانتي محتاجتها ضروري شتسوين وشيصير بيج ؟

هاهية
ما اريد اثكل عليج
شكررررررررررا

بنت الملوك

08-19-2010, 05:44 AM

السلام عليكم
شونج ريمة الحلوة
اريد اسال كم سؤال وان شاء الله اكون خفيفة
1-مــــن انـــــــتي ؟

2- ماهو هدفك في الحياة ؟

3-ماهي أمنيتكي ؟

4-ماهي رؤيتك للحياة ؟

5-ماهي رسالتك في هذه الحياة ولمن توجهها ؟

6-ماهي التجربه التي تتمنى تكرارها ؟

7-ماهو أفضل مكان تترددين إليه ؟

8-مـــــن يطـــــربك ؟

9-من هو توأم روحك ؟

10- ماهو اكثر شئ تخشينه ؟

11- مالذي يشعرك بأكثر قدر من الحرج ؟

12-شخص تحتاجين لقربه الآن منك ؟؟

13-متى تغضبين ؟

14-باقة ورد لمن تهديها ؟

15- باقة شوك لمن تهديها ؟

16- شخص لاترفضين له طلبا ؟

17-ماهي أعظم صفة تفضلينها ؟

18-وماهي اكره صفة تنبذيها ؟

19-أعظم شيء فقدته ؟

20-وأعظم جرح دفنته ؟

21- اسوأ خبر سمعتيه ؟

22-ماذا يمثل لكي الموت ؟

23-دعوه صادقه من اعماق قلبك لمن تهديها ؟

24-و اخيراً صفي نفسكي بكلمات بسيطة كما يراك الناس ؟؟؟؟

تحياتي الج
وان شاء الله تكون اسالتي خفيفة

البنت الدلوعة

08-19-2010, 06:55 AM

هلوووووووووو ريومه

سوال واحد بس مراح اتعبج بهواي اسئله

السوال هو المن تهدين هاذي العباره

راح ابيعك شلي بيك لحضه ما اندم عليك

تحياااااااااااااااااااتي

♥o° أمـبـﮯـرآطـُور آلـحـُـﮯـبَ°o ♥

08-19-2010, 03:06 PM

هلووو ريمؤؤؤؤ
شونج رمضان كريم وينعاد بالخير والبركة
يلا لتهتمين هواي للاسئلة تخلص اول وتالي
كرسي حلاق هذا كل يوم واحد يكعد ويكوم ويجي من ورى ثاني
هههههههههههههه
ابدي اسئلتي لكٍ

بما انك حواء
متى تبكي حوآء لـ آدم؟؟

ماهوالشي الذي يمتلكه آدم
وتتمنى امتلاكه ؟؟

مالذي يغضبك في آدم ؟ ومالذي يعجبك؟؟

متى تشعرين بتأنيب الضمير؟؟.

واخر سؤال من هي ريم البراري

مودتي لك اختي وصديقتي

ريم البراري

08-19-2010, 10:37 PM

منوره ريم كرسي الاعتراف
منورة بنورك ابن عمي

اني بس عندي كم سؤال اريد اسئلهن
بلي اتفضل

ماذا ستكتبين لنا لتعبري عن حياتكِ التي عشتيها الى الان في كلمات قليله ؟
لو كتبتك عن ايام الطفوله لااقول لك اروع ايام عشتهاا
ام الان لاحياة لانها لاطعم لهاا

ماهو تقييمكِ لهذا المنتدى بصراحه ؟
بصراحه المنتدى يرادله ستايل يكون بي الموضوع المميز والعضو والمشرف المميز
ومنح الاوسمه لكل عضو يستحقهُ

(( اللي راح راح وماتفيد كلمة ياريت ))
إذا أردتي ان توجهي هذه العباره لنفسكِ, فماذا تقصدين بها ؟
حقيقة لااعرف

ما هو اقتراحكِ الذي تتمنين ان يحدث في هذا المنتدى ولم يحدث الى الان ؟
مثل ماكتلك ستايل يكون بي كلشي اوسمه ومواضوع ومشرف وعضوو مميزين
حكمة تؤمنين بها جدا؟؟
اتق شر من احسنت اليه

اعتذار تريدين ان تقدميه لمن؟
الى كل من اخطأت ريم بحقهم اقول لهم سامحوني

ارجو ان اكون ماطولت عليج الاسئله
بالعكس اهلاً بيك ومنور

ريم البراري

08-19-2010, 10:43 PM

ها قد اتيت
أهلآبيك
لا احب الاساله فاسالتي للورده لا اجيدها
شكرا على هذا الكلام الرائع

لكن امثال لي قولي لمن تقوليها

الصاحب اللي ما ينفعني في حياتي ما ينفعني بعد مماتي *
لكل شخص حاول ان يؤذي ريم
* كل شيء بالسيف إلا ألمحبه بالكيف
لريم البراري
بماذا تقر وتعترف أمامنا الان ؟
اقر انكم اروع اعضاء
اغمض عينيك دقيقه لو سمحت, ماذا خطر على بالك وانت مغمض العينين ؟
والله دائما يخطر بالي هم يرجع العراق مثل كبل

شكرا واسف علىا ازعاج
لاخيي على شنو الازعاج منور
سؤال شخصي
عرفتكِ باخلاقكِ ومكانتكِ لو كنت اماً وكانت لديكِ طفل بريء
وها انتي تمشين رأيتي طفلاً اخراً يتيماً قد شردته الحروب
هل تتبنينه!
شيء اكيد اقل شي اكسب منهُ أجر
وهل تعاملينه مثل ما تعاملين طفلكِ
ان شاءلله

محتآجك كل 00.00.01

08-19-2010, 10:51 PM

[QUOTE=ريم البراري;448815]ها قد اتيت
أهلآبيك
لا احب الاساله فاسالتي للورده لا اجيدها
شكرا على هذا الكلام الرائع

لكن امثال لي قولي لمن تقوليها

الصاحب اللي ما ينفعني في حياتي ما ينفعني بعد مماتي *
لكل شخص حاول ان يؤذي ريم
* كل شيء بالسيف إلا ألمحبه بالكيف
لريم البراري
بماذا تقر وتعترف أمامنا الان ؟
اقر انكم اروع اعضاء
اغمض عينيك دقيقه لو سمحت, ماذا خطر على بالك وانت مغمض العينين ؟
والله دائما يخطر بالي هم يرجع العراق مثل كبل

شكرا واسف علىا ازعاج
لاخيي على شنو الازعاج منور
سؤال شخصي
عرفتكِ باخلاقكِ ومكانتكِ لو كنت اماً وكانت لديكِ طفل بريء
وها انتي تمشين رأيتي طفلاً اخراً يتيماً قد شردته الحروب
هل تتبنينه!
شيء اكيد اقل شي اكسب منهُ أجر
وهل تعاملينه مثل ما تعاملين طفلكِ
ان شاءلله

شكرا لكِ وعلىا اجوبتكِ الجميله وردتي لكِ
http://up2.m5zn.com/photo/2009/3/20/08/nxfdgg4sj.jpg/jpg

ريم البراري

08-19-2010, 11:10 PM

حبيبتي رونق الزهور اني مكلت الا الحق
فعلآ قسم المراءة قسم يستحق ان يكون مميز
لان دائما من اتصفح اقسام المنتدى هو القسم الوحيد
الي مايوم نقات موضوع مكرر او موضوع بغير بمكانه
اشكرج هوايه حبيبتي

ريم البراري

08-19-2010, 11:28 PM

قد أطلعت على بضع الاسئله وعلى اجوبتها وكما أعرف ويعرف الجميع انه هنا مسموح بالاسئله جميعها فا أرجوا الرد الكامل ...

وبعيدا عن الاسئله المعتاده ...

(1)الذي عرفته من الاسئله انه انتي محجبه وتلبسين الجبه وملتزمه جدا فا من باب الدين فهل برأيك حلال ان تخالطي الرجال هنا بالمنتدى ولو حتى بالكلام ؟
علي قبل ان اجاوبك اني اريد اسألك سؤال (الذي اعرفه انت خريج كليه مااعرف شنو المهم هل تتصور باكمالك لدراسه انت لم تكسب ذنب الرسول صلى الله عليه وسلم يقول(النظرة الاولى لك والثانيه عليك) واكيد فهمت شنو اقصد بكلامي
اما اذا تقول اختلاطي برجال المنتدى اني مدا اشوفهم او يشوفوني او اسمع صوتهم او يسمعون هو مجرد نقش على جاهز الكيبورد واتصور لو اكوو مثل ماذكرت يصير من صدك حرام ان اتكلم ويكمل معنى الاختلاط بنظرك لان هذي الاشياء هي مصدر اثاره الفتن وانت خير من يعلم بهذاا

(2) في أحد المرات وقبل فتره وجيزه ارسلت لكِ رساله خاصه وذلك لحذف موضوع في القسم الاسلامي لماذا لم تتخذي الاجراء اللازم علما الموضوع هو كان طائفي علما انتي المشرفه العامه واريد جوابا واضحا ؟
اريد اكولك شي اخ علي وماريد احمدَ بنفسي اني اكثر مشرفه هنا متحمله مسؤوليه المنتدى اكثر حتى من مدير المنتدى اني بوكته كان النت يمي ابد مو زين وخان بيه تعرف اني اول مره اشوفك مشرف لان مايوم شفتك مشترك الا ماندر بموضوع او نقلت موضوع او اي شي
انت مشرف وتكدر تحذف مو حذف نهائي بس مؤقت او تغلق الموضوع مو صح
بس من صار يمي النت زين اني حذفته

(3) ما هو رأيك ببنت وثقوا بها اهلها وسلموها كل الثقه والاحترام وهي في المقابل تسهر على النت وتدخل الشات وتخالط الشباب وتتكلم معهم علما ان الاسلام حرم هذا الشيء فما رأيك بها ؟
(العقل زينه) يأخ علي والحليم تكفيه الاشارة

(4)لو قلت لكِ اتركي النت والزمي درب الصالحات فماذا ستقولين عني (مجنون أم جاهل أم طفل أم شاب مندفع أم أراد الخير لي)؟
اراد الخير لي طبعا

(5)ان حسن هو من اعز الاصدقاء لي وهو اخ في الاسلام عزيز لكِ لكن اسأليه ماذا رأيك بالبنت التي تدخل الشات وتخالط الشباب وتسهر عليه وفي المنتدى ايضا وأريد رأيه هنا ببضع كلمات ؟
اريد اكلك شي لو حسن يعرف اني اغلط بشيء او اسوي شي يغضب الله تأكد هو اول من يمنعني من دخول الشات او المنتدى
لان حسن من اكثر الناس حرصا عليه ودائما يراقبني بكل كلمه اكول وبكل كلام احجي معا غير في الجات او هناا ويناقشني على كلشي ويحاسبني على الغلط الي اسوي ويوجهني للطريق الصح
واريد اكلك شي اني بالشات اذا اغلط بشيء ولو ان شاءلله مااغلط بأذن الله اتلقى من حسن كلام بصورة اعلان بس بغير شيء بس بمعنى الكلام هو يوجه اليه الكلام اني دا اغلط
وانت تعرف حسن حق المعرفه شخص لايرضى بالغلط الله يحفظه ياربي

وفي الختام أعرف انني جعلتكِ تكرهيني ولكن اتمنى ان لايحذف ولا سؤال كون القسم هنا هو لجميع الاسئله ...
لا بالعكس اخ علي قول الحق لو على نفسك مو صح
منور الموضوع

ريم البراري

08-19-2010, 11:33 PM

هلو ريومه رجعتلج بسؤال خرافي ههههههههههههه
يله حبي أسألي
هم اتطولين اظافرج وتستخدميهن للوسائل الاجراميه هههههههههههههههه

ههههههههههههههههههه لاحبي مو اني اصلي ميصير اطول اظافري وردة

اقصد اخوج اختج تأذوج يضجوج ويبدي شغلج بالاظافر واذا مامجربتها جربيها نصيحه من سيلا
هههههههههههههههههههههه لاحبي اني اخوتي اكبر مني ومتزوجين ههههههههههه اخاف منهم وربي
تحياااااااااااااااااااتي

تحياتي الج وردايه

ريم البراري

08-19-2010, 11:40 PM

السلام عليكم ورحمة الله
اهلا وسهلا بالعزيزة ريم البراري ظيفة كرسي الاعتراف
اهلابيك اخي
والذي لو كان اسمه كرسي التعارف لكان اجمل ( هذه وجهة نظر طبعا )
طبعا الاخ العزيز اسد كلية المأمون
ما خلة اي سؤال
ما شاء الله علي عبالك مشتغل عشرين سنة بالشعبة الخامسة ههههههه
بلي مو مبقي شي يعتب عليه بسيطه اسد اني الك

لكن من خلال قرائتي للاسئلة والاجوبة تبادر لذهني جم سؤال وان شاء الله مو طويلة

1. منتدانا العزيز مكون من كلمتين ( عراق الرومانسية ) .
أ. فماذا يعني بالنسبة اليك العراق .العراق ارضي وبيتي واهلي
ب. وماذا تعني لك الرومانسية . لاتعني لي شيء هههههههههه
2. الوردة الحمراء في صورتك الرمزية بغاية الروعة ماذا تعني لك ؟ ولمن تهديها ؟
اهديهااا لكل اعضاء منتدى عراق الرومانسية

3. قياسا لطولك ووزنك انتي رشيقة بمقاييس الرشاقة العالمية هل تودين زيادة وزنك او التقليل ولماذا ؟
بصراحة اريد وزني يصير 58

ريم البراري

08-19-2010, 11:42 PM

منور الموضوع سيف
وايدك وردة اشكرك على المرور

ريم البراري

08-19-2010, 11:52 PM

شلونج ان شاء الله بخير؟
بخير الحمدلله انت شلونك خيي

يله نبدي بالاسئله الجديدة وان شاء الله مااطولها عليج
اوك ابدي

1-شنو معنى الصداقه ومعنى الحب يم ريم؟
اتصور مر عليه هذا السؤال وجاوبت ماكو فرق اذا كان بنيه صادقه

2-شنو الموهبه التي تتمع بها ريم؟
الطبخ هههههههههههههههههههههههههههه

3-احلى موقف محرج مرت بي ريم؟
والله ميحضرني موقف معين

4-شوكت تحزن ريم وشوكت تفرح؟
احزن حزن شديد من احتاج اخي الله يرحمه
وافرح من الله يفرجه على العراق بخروج المحتل منهُ

5-احلى رقم تتفائلين بي؟
6

6-شنو الي يشغل ريم طول الوقت (بشنو تفكر)؟
مهاما فكرنا كلشي بيد رب العالمين

7-هدية عندج تعتزين بيها شنو هي ؟ ومن منو؟؟
قلادة ذهب من والدي باسمي

8- نوع الاكلة الي لو تاكليها اسبوع كامل متملين؟؟
الباجه هههههههههههههههههه

9-اذا اجتيج سفره وحبيبج مقبل انو اتسافرين راح اتسمعين كلامه لو لا؟
طبعا اسمع كلامه

وهاهيه اكيد ضجتي بالاسئله مطوله ومابيه ترك
لامضجت عادي ض6

انشاء الله مضوجتج بالاسئله وها تره بعدلي عوده هم اكو اسئله
عادي ارجع واسأل ض6

ريم البراري

08-19-2010, 11:57 PM

السلام عليكم
وعليكم السلام ورحمه الله
شلونج اختي؟
بخير ربي يسلمك خيي
مو تعتبرون هذا من ضمن الاسئلة تره هذه سلام
هههههههههه اوك يله نبدي بالسلام
1- ليش اختاريتي النك نايم مالتج ريم البراري ؟
حبيته والله واختاريته

2-تحبين تاكلين باجه ؟ههههههههه
يبووووو اموت على الباجه

3- اذا تعطل حاسبتج وانتي محتاجتها ضروري شتسوين وشيصير بيج ؟
اخذ حاسبة اخويه شسوي هههههههههههههه

هاهية
ما اريد اثكل عليج
منور الموضوع خيي

حلو وبكيفي

08-20-2010, 12:10 AM

بعد ان عرفنا شخصية ريم البراري
نشكر وجودها على كرسي التحقيق وليس الاعتراف
ولكوني جديد في هذه الاسرة
اتشرف ان اقدم سؤال للاخت ريم البراري
وهو

ماهي علاقت ريم البراري بالصراحة ؟
متى تستخدم ريم البراري الغش والخداع؟
متى تحب ان تجلس مع ونيس الثقافة (الكتاب )؟
هل انتي مثقفة ؟
هل تحبين قصص الحب مثل 1_روميو جوليت 2_قيس وليلى
نوهي لهذه الكلمات بجمل
1_الحب
2_الضياع
3_الرومانسية
4_العراق
5_الغرور
6_الابيض

ماعلاقة ريم البراري بـــــ
1_العصبية
2_الكره
3_الحب
4_حب النفس

تحياتي
يارب ماطولت عليج بالأسئله
سامحيني

ودي

ريم البراري

08-20-2010, 12:12 AM

السلام عليكم
وعليكم السلام ورحمه الله
شونج ريمة الحلوة
بخير وردايه انتي شلونج
اريد اسال كم سؤال وان شاء الله اكون خفيفة
اكيد خفيفه مثل خفت دمكِ
1-مــــن انـــــــتي ؟
اناانسانه بسيطه تحب الخير لناس وتحب كل من يُحبهااا

2- ماهو هدفك في الحياة ؟
النجاح في حياتي

3-ماهي أمنيتكي ؟
لم تتحقق

4-ماهي رؤيتك للحياة ؟
وماالحياة الا متاع الغرور لاتعني لي شيء

5-ماهي رسالتك في هذه الحياة ولمن توجهها ؟
ان اكون ناجحه في حياتي

6-ماهي التجربه التي تتمنى تكرارها ؟
لاتحضرني تجربه

7-ماهو أفضل مكان تترددين إليه ؟
غرفتي

8-مـــــن يطـــــربك ؟
لااحد

9-من هو توأم روحك ؟
قبل كان اخي الله يرحمه وحاليا والدي الله يطول بعمره ويخلي اليه

10- ماهو اكثر شئ تخشينه ؟
ان اغضب الله

11- مالذي يشعرك بأكثر قدر من الحرج ؟
لم افهم صيغه السؤال

12-شخص تحتاجين لقربه الآن منك ؟؟
اخي الله يرحمه

13-متى تغضبين ؟
عندما احد يغضبني

14-باقة ورد لمن تهديها ؟
لكل اعضاء منتدى عراق الرومانسية

15- باقة شوك لمن تهديها ؟
للمحتل وللحكومه الظالمه

16- شخص لاترفضين له طلبا ؟
والدي الطيب

17-ماهي أعظم صفة تفضلينها ؟
الصدق

18-وماهي اكره صفة تنبذيها ؟
الكذب

19-أعظم شيء فقدته ؟
اخي الله يرحمه حسيت بعده اني لاوجود لي

20-وأعظم جرح دفنته ؟
ماعندي الحمدلله

21- اسوأ خبر سمعتيه ؟
عند وصل خبر وفاة اخي

22-ماذا يمثل لكي الموت ؟
الموت حق لامفر منهُ

23-دعوه صادقه من اعماق قلبك لمن تهديها ؟
لكل من يحب ريم البراري

24-و اخيراً صفي نفسكي بكلمات بسيطة كما يراك الناس ؟؟؟؟
انسانه طيبه وتحب كل من يحبهااا

ريم البراري

08-20-2010, 12:16 AM

هلوووووووووو ريومه
هلو حبيبتي بنوته الدلوعه

سوال واحد بس مراح اتعبج بهواي اسئله
اوك حبي تسلمين شكد حبابه

السوال هو المن تهدين هاذي العباره

راح ابيعك شلي بيك لحضه ما اندم عليك
بصراحه ماعندي شخص اهديله هذي العباره

تحياااااااااااااااااااتي
تحياتي الج وردايه

ريم البراري

08-20-2010, 01:59 AM

هلووو ريمؤؤؤؤ
اهلين خيي مهند شخبارك
شونج رمضان كريم وينعاد بالخير والبركة
رمضان كريم عليك يارب
يلا لتهتمين هواي للاسئلة تخلص اول وتالي
كرسي حلاق هذا كل يوم واحد يكعد ويكوم ويجي من ورى ثاني
عادي شسوي بس مابقى اسد سؤال ض12
هههههههههههههه
ابدي اسئلتي لكٍ

بما انك حواء
متى تبكي حوآء لـ آدم؟؟
عندما تفقد شخص غالي وعزيز عليهااا

ماهوالشي الذي يمتلكه آدم
وتتمنى امتلاكه ؟؟
العقل

مالذي يغضبك في آدم ؟ ومالذي يعجبك؟؟
ماكو شي يغضبني بي بس يعجبني رجاحت عقلهُ

متى تشعرين بتأنيب الضمير؟؟.
من اغلط بحق شخص

واخر سؤال من هي ريم البراري
انسانه تحب الخير لكل الناس

مودتي لك اختي وصديقتي
منو خيي الموضوع

ريم البراري

08-20-2010, 03:56 AM

بعد ان عرفنا شخصية ريم البراري
نشكر وجودها على كرسي التحقيق وليس الاعتراف
ولكوني جديد في هذه الاسرة
ان شاءالله موجديد انت بين عائلتك
اتشرف ان اقدم سؤال للاخت ريم البراري
وهو
الشرف اليه خيي ان اجاوبك

ماهي علاقت ريم البراري بالصراحة ؟
الصراحه شي حلو واني صريحه فمرات هواي مني يزعلون من كلامي لان صريحه معاهم
متى تستخدم ريم البراري الغش والخداع؟
لااستخدمه والله يبعدني عنهُ
متى تحب ان تجلس مع ونيس الثقافة (الكتاب )؟
بوقت الفراغ
هل انتي مثقفة ؟
الحمدلله
هل تحبين قصص الحب مثل 1_روميو جوليت 2_قيس وليلى
لا الصراحه
نوهي لهذه الكلمات بجمل
1_الحب :لاوجود له
2_الضياع :الله يبعدنه عنه
3_الرومانسية :لامحل لها من الاعراب هههههههههه
4_العراق:وطني وبيتي
5_الغرور:مزعج
6_الابيض :انقى شي

ماعلاقة ريم البراري بـــــ
1_العصبية :مصيبه
2_الكره:الله لايجيب الكره بيناتنه
3_الحب :بهذا الزمان لاوجود لهُ
4_حب النفس:مرض

تحياتي
تحياتي لشخص الكريم
يارب ماطولت عليج بالأسئله
سامحيني

وعلى شنو اسامحك بالعكس اسئلتك حلوة كلش

♥o° أمـبـﮯـرآطـُور آلـحـُـﮯـبَ°o ♥

08-20-2010, 02:53 PM

ريم البراري

08-20-2010, 05:49 PM

منور الموضوع مهند بالعكس اسئلتك كلش حلوة وعاشت ايدك

علي الكرخي

08-21-2010, 02:24 AM

يا أنسه ريم البراري ...

اتعرفين شيئا عندما كتبت اسئلتي ندمت عليها كون الحق في هذا الوقت لا يتقبله الا من رحم ربي ...

وبالنسبه لكِ لم ترينني في هذا المنتدى كما قلتِ لم اشترك او أنقل موضوع او اغلق موضوعا فأجيبكِ بشيء ...

انا في هذا الموقع منذ ان كان فيه اعداد لايتعدون عن الخمسون شخص ...

وبالنسبه لأشرافي فهو محدود المسؤليات ...

ولا أريد أن أعلق شيئا على بعض الكلام الذي قلتيه ...

كوني طننتك أهلا لهذه الاسئله لكن الذي رأيته تنرفزا وعصبيه ....

وتحيتي لكِ وشكرا على كل الرد الطيب .

سما

08-21-2010, 04:20 AM

مرحبا بيكى اختى ريم فى كرسى الاعتراف
وسؤالى
ما هو الطريق الذى قلت فيه كفى قبل ان تصلى للنهاية؟
هل تتخذى قرارك بقوة ام الكلمة الاولى والاخيرة للاهل مهما كان الامر حتى لو متعلق بحياتك؟

ريم البراري

08-21-2010, 04:32 AM

مرحبا بيكى اختى ريم فى كرسى الاعتراف
أهلآبيج حبيبتي
وسؤالى
ما هو الطريق الذى قلت فيه كفى قبل ان تصلى للنهاية؟
بصراحه لم امر بموقف حتى اقول هذي العباره
هل تتخذى قرارك بقوة ام الكلمة الاولى والاخيرة للاهل مهما كان الامر حتى لو متعلق بحياتك؟

طبعا شي اكيد ماكو اهل مايحبون الخير لابنتهم بس من يتعلق بشغله الزواج هذي لا اتناقش معهم واقنعهم

.غرام.

08-21-2010, 01:55 PM

مرحبا ريم ومنوره الكرسي حبيت اسئلج سواليين لما الاخ علي الكرخي سئلج سوال انو شنو رئيج بل بنت ال تسهر علي الشات ... ردج كان انو الاخ حسن يراقبج وما تغلطين واذا تغلطين ينصحج وفعلا حرصه وخوفه عليج شئ حلو حلو يكون غيور علي كول بنت عراقيه بس ليش ميكون ردج انو ربنا هوه الي راقبنا وضميرنا داخل المنتدي والشات وخارجه .اذا ابو عائشه يراقبج داخل المنتدي والشات خارجه هوه ماموجود فبرئيج ما لازم يكون للمراه شخصيتها وهي الي تتحكم بنفسها ومو لان اعرف في اشخاص يراقبوني وما اغلط ؟؟؟؟ وثاني سوال وبصراحه من يومها اكثير غيرت وجه نظري عنج لان برئئ كنتي انتي بنت واعيه وفاهمه ومثقه وانتقدتج بس اليوم احب اكوله كدامج كنت راسله رساله الي ضي العين مجرد انو تقنعيها اختاريتي التناقض بل كلام قبل فتره كنتي راده انو خوالج متزوجيين شيعه ومعندكم فرق بعد فتره كتبتي الي ضي اكره المرجعيه والشيعه كره الشيطان لسماع القران برئج لكسب رضا شخص تكسرين بالاف المسلمين وانتي صفتتج تحبين الكل وتتمنين الخير للكل فما اتصور الطيب والي يتمني الخير للكل يتمني ال ناس ويخلي ال ناس عل عموم ما احب اطول عليج اكثر اتكلمت هل كلام كدامج لان صديق ينصحج افضل من اشخاص يجاملوني عل غلط موصح واتمني متتضايقيين من كلامي وما تسيئين الظن!وشكرا

أرين

08-21-2010, 02:18 PM

السلام عليكم
كيف حالج ريم
اني سؤالي واحد

س-ماهي اكبر غلطة بحياتج

تقبــــــــ تحياتي ـــــــلي

ريم البراري

08-22-2010, 12:32 AM

بالبدايه السلام عليكم

اولا انت مفهمتي شنو قصد علي بالكلام اني اعرف علي اكثر منج من زمان
هو كان يقصد لويش حسن ميمنعج من دخول المنتدى واني رديت عليه
ولاخ علي يعرف كل الزين اني شكد حريصه على نفسي وشكد اخاف الله
انتي احتمال متعرفين علي بس احنه معرفه صار 3 سنوات هو كان يقصد
لويش البنيه تطب منتدى وتحجي معا رجال مع ان هي محترمه وتخاف الله
هو يقصدني بهذا الكلام وهو يعرف كل زين اني اخاف الله من المعصيه
وجهلي هذا الكلام وانتي متعرفيني ابد يجوز فقط هنا بالمنتدى واذا تحبين
تسألين عن ريم البراري ادخلي شات عراق الرومانسيه واسألي منو ((دمعه عراقيه ))
وراح تشوفين الجواب اني ولله الحمد اخاف الله واخاف من ارتكاب الذنوب شنو اذا حسن ميراقبني
ماعندي رب يراقبني ؟؟؟

ومن ناحيه ضي العين كانت انسانه فاشله لاتستحق الاحترام ابد كانت تغلط وتفشر
وتدزلي رسائل مااحب اكول شنو بيه
من ناحيه الشيعه فعلا اني خالي ماخذ شيعيه بس شيعيه
تعادل مليون وحده مثل ضي العين
احنه كعائله هواي عانينه من الطائفيه
وهواي من عائلتي انقتلوا لان احنه سنه
بس تتصورين هذوله عراقين الي يقتلون
هؤلاءالقتله مدسوسين من قبل ايران
ولاتنسين اصابع ايدج مو سوا
فأذا غيرتي رائج بيه او لا هذا الشي يرجعلج مايرجعلي
اني المهم مقتنعه بكل شي اعمله

شكرا على المرور تحياتي

ريم البراري

08-22-2010, 12:41 AM

السلام عليكم
وعليكم السلام
كيف حالج ريم
بخير ربي يسلمك
اني سؤالي واحد
شكرا الك الحمدلله بس واحد هههههههههه

س-ماهي اكبر غلطة بحياتج
ماعندي والحمدلله

تقبــــــــ تحياتي ـــــــلي
تحياتي لشخص الكريم

أسد كلية المأمون

08-22-2010, 01:55 AM

طبعا كثرة الاساله على ريم
وصار الجد اكثر من الهزل والمرح
لذلك راح انهي الموضوع باساله طريفة ومحرجة
بالاضافة الى انتهاء وقت الاستضافة لاختنا ريم البراري
والحمد لله عرفنا هواي اشيء عن حياتها
واقتربنا منها اكثر بس اني ما شفى غليلي منها
يعني كعدت ادور على اساله محرجة حت اجيبها
يلا عيناي جاوبيني
1-شنو لون عيونج
2-تسلسلج بالعائلة
3-كم اخ عندج
4-كم شقيقة عندج
5-شو اسمائهم كلهم
6-(يلا نبدي بالاساله المحرجة والفضولية))خخخخ اني شسوي بالاجابة بس حت اخليج اتسولفين يعني انتقام
6-ابوج شنو يشتغل
7-شنو اخوتج يشتغلون
8-انت يا مواليد اليوم والشهر والسنة
-9تسوين لروحج عيد ميلاد لو ما تعترفين بهاي السوالف
8-انتي بيتكم بالمنصور يعني وين يم الرواد لو يم ابو جعفر لو ب14 رمضان
9-هم تروحين يم الرواد لو لا خخخخخ
10-اتصلين تراويح لو لا 8 لو 20
11-شنو رئيج بجيش المهدي وشنو رئيج بتنظيم القاعده
12-شنو نوع حاسبتج لاب توب لو دسكتوب حديثة لو قديمة
13-شكد طلعتي معدل بالسادس
14-يا حيوان تحبين
15-يا طير تحبين
16-شنو نوع موبايلج
17-هسة اسمج ريم افتهمنا بس ليش البراري
18-شنو خطج اسيا لو اثير لو عراقنا
19-اشكد عندج رصيد هسه بصراحة خخخخخخخخ
20-شنو اخبار صديقتج سولاف اشو ماكووو ض22 خخخخخ

ريم البراري

08-22-2010, 03:07 AM

طبعا كثرة الاساله على ريم
وصار الجد اكثر من الهزل والمرح
لذلك راح انهي الموضوع باساله طريفة ومحرجة

بلي حمزة والله تكول مومصدكين ودا يحجون شنو لهل لدرجه ضايجين مني ههههههههههههههه
راح اسوي قسم اليه هنا اسمي قسم منبر التوحيد شلون بالشات عندي هذا الروم منبر التوحيد
وابقى بي ههههههههههههه

بالاضافة الى انتهاء وقت الاستضافة لاختنا ريم البراري
والحمد لله عرفنا هواي اشيء عن حياتها
واقتربنا منها اكثر بس اني ما شفى غليلي منها
يعني كعدت ادور على اساله محرجة حت اجيبها
يلا عيناي جاوبيني:يله
1-شنو لون عيونج: جوزي
2-تسلسلج بالعائلة:6
3-كم اخ عندج:3 واحد استشهد
4-كم شقيقة عندج:2
5-شو اسمائهم كلهم:لويش مطلوبين شي ومااعرف هههههههههههههههه
6-(يلا نبدي بالاساله المحرجة والفضولية))خخخخ اني شسوي بالاجابة بس حت اخليج اتسولفين يعني انتقام
يالطيف لويش تنتقم ض44
6-ابوج شنو يشتغل:ولاشي متقاعد
7-شنو اخوتج يشتغلون:كملوا دراسه ويشتغلون اعمال حرة
8-انت يا مواليد اليوم والشهر والسنة:22/4/1991
-9تسوين لروحج عيد ميلاد لو ما تعترفين بهاي السوالف :مااعترف ض5
8-انتي بيتكم بالمنصور يعني وين يم الرواد لو يم ابو جعفر لو ب14 رمضان: 14 رمضان
9-هم تروحين يم الرواد لو لا خخخخخ: لا
10-اتصلين تراويح لو لا 8 لو 20 : 8
11-شنو رئيج بجيش المهدي وشنو رئيج بتنظيم القاعده: لاتعليق
12-شنو نوع حاسبتج لاب توب لو دسكتوب حديثة لو قديمة:حديثه
13-شكد طلعتي معدل بالسادس:73
14-يا حيوان تحبين:ولا واحد
15-يا طير تحبين: الكناري
16-شنو نوع موبايلج:6120
17-هسة اسمج ريم افتهمنا بس ليش البراري: يعني غزال الصحراء
18-شنو خطج اسيا لو اثير لو عراقنا: اثير
19-اشكد عندج رصيد هسه بصراحة خخخخخخخخ: لحظه اشوفه 4,027 د.ع ض5
20-شنو اخبار صديقتج سولاف اشو ماكووو ض22 خخخخخ
بخير الحمدلله بس اسمه ميطب شلون الخلل الجنت اعاني منه وكلت للمدير والله كريم ض5