تعالو نطوني ردودكم يفوتكم الموضوع....

[تجري الرياح ....]

السلام عليكم
اليوم موضوعي يكول بلحضة الغضب اول تصرف تتصرفة شنو.....تكسر تفلش تتناقش التصرف بصراحة :a115:
واذا عرفت انه هذا اخر يوم بحياتك شنو الي تسوي بهذا اليوم هم بصراحة :a115:

[!ჯ نـــســر الــعـراقჯOm∆Я]

بكل لحظة غضب احاول اسكت شوية

واذا الموضوع زاد عن حده ما اصبر بصراحة


اذا عرفت هذا اخر يوم طبعا ابوس ايد امي وابوي


عاشت ايدج على الموضوع الاكثر من رائع

تحياتي

[حمودي مو ابنه]

احاول ابتعد عن الموظوع حتى لاسبب مشاكل
اغذا عرفت اخر يوم احجي ويه احبابي والزعلان اراضي وشكرا على موظوع

http://www.iraqup.com/2008-03-uploads/iraqup.com_20080623_Ei3r7-o0GV_263132869.gif

[دلوعه السامرائيه]

موضوع حلو عاشت ايدك

بصراحه اني بطبعي كولش عصبيه

والي عاشروني عرفو طبعي

يعني بلحضه الغضب ماارحم احد

ولذلك كامو يتركوني اهدء شويه

ورها ممن اهدء اندم على الي سويته لان ماتمالك اعصابي كلبي طيب اسامح بسرعه وانسه بسرعه

وهذا الشي الي محلو بيه واعترف بي ياريت اكدر اكسر شي ولا ابين غضبي لهذي الدرجه .........

اذا عرفت اخر يوم بحياتي ؟


اودع احب ناسي الي واكولهم سامحوني جائز غلطت بحقهم يوم

واحضن امي وابوسها واكولهم دفنوني بلعراق اوصيهم

[بغـ وردة ـداد]

عاشت ايدج حبيبتي على الموضوع الحلو

اني بطبعي هادئة يعني حتى عصبيتي بهدوء

عادي ما اصيح ولا اكسر شي

واذا عرفت هذا اخر يوم بحياتي

طبعا راح اودع كل الناس الاحبهم ويحبوني

واحضنهم لاخر لحظة من عمري

مشكورة حبي

[RNO AL7OOB]

عاشت ايدج حبي على الموضوع . طبعا اني معروف عني بالمواقف العصبية احاول اكون هادئة جدا وهذا طبعا فضل من الله لان لحضات الغضب مرات تخسرنة هواية احباب النا فلذالك اكون هادئة الى ان اخلي المقابل تهدئ اعصابة يعني الي كدامي لو يشلع شعر راسة اني ما ارد او اناقش بلحظة الغضب ههههههههه لاني ما احب يبدر مني تصرف اخسر بيه احد . اما بخصوص اخر يوم بالحياة طبعا هذا الشي مستحيل احد يعرف موعدة الا في بعض الحالات دعائي دائما اللهم اجعل اخر خواتمي محاسنها الي راح يقهرني بهاي الحظة ماما وبابا لان ما اتخيل نفسي اقدر افارقهم بس الموت حق علينا كلنا .

[♥Ł Ǿ V Ϊ ᾒ Ģ♥Ŧ Ǿ♥M Д Đ Д M]

شكرا على الموضوع
اولا الرجل عند الغضب مو ايكسر ولا ايفلش (الرجل من مسك اعصابة عند الغضب) تقبلي مروري

[هكر حي الجامعه]

شكرا اختي تجري على الموضوع الصراحه اني مو كلش عصبي بس اخذ الامور بعقلي حتى لو جااانت صعبه لان العصبيه ايجوز اتعقد اكثر .......... اما اذا اخر يوم بحيااتي اتشااهد غير ههههههه تحيااااتي